Kumbakonam School Fire Accident!

கும்பகோணம் தீ விபத்து!

சின்னஞ்சிறு மொட்டுகள்
மலரும் முன்பே
தீக்கு இரையானது…
ஆசையாய் பிள்ளைகளை
பள்ளிக்கு அனுப்பியவர்கள்
கண்டார்களா இனிமேல்
நம் பிள்ளையைப்
பார்க்கவே முடியாதென்று..
இல்லை தன் நண்பர்களை
காண ஓடிச் சென்ற
அந்த பிள்ளைகளுக்கு
தான் தெரியுமா வாழ்க்கையை விட்டே ஓடிச் செல்ல
போகிறோமென்று…
இல்லை பற்றிக் கொண்ட
தீக்கு தான் தெரியுமா
பிள்ளையை மட்டுமல்லாது
பெற்றவர்களின் வயிறையும்
பற்றி எறிய வைக்க
போகிறோமென்று…
இல்லை படியை குறுகலாக
அமைத்த பள்ளிக்கு தான்
தெரியுமா அது விரைவாக
குழந்தைகளின் உயிரை
மேலேற்ற போகிறதென்று…
கடவுளுக்கு மட்டும் தான்
தெரியும் எதற்காக
அந்த மொட்டுகள் வளரும்
முன்பே வாடியது என்று..

Leave a Reply

Your email address will not be published. Required fields are marked *