Menstruation Explained

மாத விலக்கு – Menstruation என்பதை பற்றி இன்றும் பல ஆண்களுக்கு தெளிவாக தெரியாது, ஏன் திருமணம் ஆகிய ஆண்களுக்கு கூட இது பற்றி தெரியாது.. இம்மாதிரியான விஷயங்களை மறைத்து மறைத்து வைத்து இருப்பதால் தான் பெண்கள் பற்றி சரியான புரிதல் இல்லாமல் போகிறது,இதனாலே பல இன்னல்களுக்கும்,வன்முறைக்கும் ஆளாகிறார்கள்.எனவே இதைப்பற்றி பேச வேண்டும் இதைப்பற்றி பேசக்கூடாது என்று இல்லாமல் அனைத்தை பற்றியும் நாம் பேசி,தெரிந்துக்கொள்ள வேண்டும்.

சரி விஷயத்திற்கு வருவோம்… “மாத விலக்கு என்றால் என்ன?”
ஒவ்வொரு வயது வந்த பெண்ணிற்கும் 28 நாட்களுக்கு ஒரு முறை,பிறப்பு உறுப்பில் இருந்து ரத்தம் வெளியேருவதையே நாம் மாதவிலக்கு என்று சொல்கிறோம்.

“சரி இது ஏன் பெண்களுக்கு வருகிறது?”
பெண்களுக்கு இயற்கையாகவே அவர்களது உடம்பில் முட்டை உருவாகும்,அப்போது உடலுறவில் ஈடுபட்டால் ஆணின் விந்து முட்டையில் கலந்து கருத்தரிப்பு உண்டாகும்,பின் 10 மாத இடைவெளியில் குழந்தை பிறக்கும்.

பெண்கள் உறவு கொள்ளாத காலங்களில் கூட அவர்களது உடலில் முட்டை உருவாகும்,அப்போது உறவு கொள்ளவில்லை என்றால் அந்த முட்டை உடம்பில் தங்காமல் பெண்ணின் பிறப்பு உறுப்பு வழியாக ரத்தமாக வெளியேறும், 28 நாட்களுக்கு ஒரு முறை முட்டை உருவாகி,வெளியேற்றப்படும்.சில பெண்களுக்கு 5 நாட்கள்,3நாட்கள், ஏன் 7 நாட்கள் வரை கூட இந்த மாத விலக்கு நீடிக்கும்.

“மாத விலக்கின் போது பெண்கள் ஏன் கோவில்களுக்கு செல்ல கூடாது?”
பொதுவாகவே கோவில் என்பது நேர்மறை சக்திகளை உடையது, மாத விலக்கின் போது பெண்களுக்கு பிறப்பு உறுப்பின் வழியே எதிர்மறை சக்திகளாய் ரத்தம் வெளியேறும்,அப்போது கோவிலுக்கு சென்றால் அவர்களுக்கு வெளியேறும் அந்த ரத்தம் வெளிவராமல் இருக்க நிறைய வாய்ப்பு உள்ளது எனவே தான் கோவில்களுக்கு செல்லக்கூடாது என்று கூறுகிறார்கள்.

“மாத விலக்கின் போது பெண்கள் ஏன் சமைக்க கூடாது,வீட்டு வேலை செய்யக்கூடாது,தனியாக இருக்க வேண்டும்,வீட்டினை விட்டு வெளியே வரக்கூடாது என்றால்??”
மாதம் 28 நாட்கள் வீட்டில் சமைப்பது, துவைப்பது, கடைக்கு செல்வது, பெருக்குவது, வீட்டை சுத்தமாக வைப்பது என பெண்களின் வீட்டு வேலையே தலைக்கு மேல் இருக்கும்,அப்படி தொடர்ந்து வேலை செய்யும் பெண்களுக்கு கண்டிப்பாக ஓய்வு தேவை எனவே மாதவிலக்கு வரும் காலங்களில் பெண்கள் சற்று நிம்மதியாக ஓய்வு எடுக்கலாம்,அந்த சமயங்களில் கணவன் மனைவிக்கு உதவியாக இருக்க வேண்டும் என்றும் கூறுகிறார்கள்.

ஆதி காலத்தில் இந்தியா மலைகளும்,காடுகளும் நிறைந்த நாடாகவே இருந்தது அப்போது பெண்கள் வெளியே சென்றால் அவர்களது உடலில் இருந்து வெளியேறும் ரத்தம் மிருகங்ககளை எளிதாக ஈர்க்கும், இப்படி ஆனால் மிருகங்களுக்கு பலி ஆக வேண்டியது தான்,எனவே தான் பெண்களை மாத விலக்கின் போது வெளியே செல்லக்கூடாது என்று அந்த காலத்தில் கூறினார்கள்.

மேலும் மாத விலக்கு – Menstruation ஏற்படும் காலங்களில் தீராத வயிற்று வலி,தலை வலி என பெண்கள் ஆளாவார்கள்.இன்றும் பல நாடுகளில் மாத விகக்கு விடுமுறை என்பது பெண்களுக்கு உள்ளது.எனவே பெண்களின் கஷ்டத்தை புரிந்துகொண்டு அவர்களை போற்றவில்லை என்றாலும் நிம்மதியாக வாழவாவது விட வேண்டும்.